早前，江西有位8歲嘅農村小朋友，因為個樣生得極似馬雲，所以連堅．馬雲見到都「識馬雲，重馬雲」，見小馬雲生活咁窮困，就承諾會孭起小馬雲所有讀書費用咁話喎～真係估唔到個樣生得似馬雲都有著數呀下！

而最近，有位姓黃嘅強國醒目仔都唔執輸，佢一睇到呢單新聞就嗱嗱聲用咗100萬人仔去韓國整容喇！佢話喎，希望自己變成馬雲咁樣樣之後都會好似小馬雲咁得到堅．馬雲嘅賞識啦～

雖然呢位醒目仔已經用咗成100萬人仔嚟整「馬雲樣」，不過老實講，好似都唔係整得咁似，頂盡都係叫做「有馬雲的味道，但比馬雲年輕」咋喎……（弱弱一問，其實有本事拎100萬出嚟整容嘅人，仲使唔使靠呢啲途徑嚟發達？）

btw，唔知經過今次呢單嘢之後，會唔會有更多醒目仔走去整「馬雲樣」呢？睇嚟啲韓國整容醫生以後除咗可以畀宋仲基呀、T.O.P.呀呢啲型男相客人做參考之外，畀馬雲嘅相都不失為一個好選擇喎！應該係，除非唔係。

資料來源：中國報、人民網、新浪視頻

延伸閱讀：【今次仲唔發達？】成都看更同馬雲撞樣