早排有支唱K神器爆紅，搞到個個都好似上咗《我是歌手》咁喺度「兒夜姨野以夜儀野」，其實做歌手最緊要識一樣嘢，就係……9叫（好似係）。而講到9叫，哥斯拉認第二，仲邊有人敢認第一呀？所以而家哥斯拉咪轉行做歌手囉！

你睇下佢拎埋咪stand咁幾忘我～就憑毛毛嘅超強摩擦力，一睇佢個look就知佢係唱Death Metal嘅食力派歌手啦！佢嗰啲沙啞嘅吼叫聲，簡直完全唱出Death Metal嘅神髓呀！

哥斯拉：「山頂嘅朋友你哋好！吼！」

唔止呀，哥斯拉仲邀請咗動漫界新晉天才結他手巨神兵幫佢伴奏?，唔知去到演唱會嘅高潮，巨神兵會唔會high到發射質子光束呢？真係諗起都覺得興奮～

嘩，係EVA初號機呀！連EVA初號機都帶埋手信嚟捧場，唔怪得斯拉BB笑得咁開心啦！雖然佢外表粗獷，但其實都有顆少女心嘅。計毛毛話，斯拉應該打入內地市場啦，話晒佢嗌得咁大聲，肯肯定會揚威祖國呀嘛！吼！！！

封面圖片及資料來源：nannpla/twitter、nekoixa/twitter