喺日本，烏鴉係吉祥之物嚟，喺神社仲都有返咁上下地位?！不過就老是常出現，去到邊都見到佢哋，又摷垃圾又偷嘢呀咁，有時仲會攻擊人?，所以咪搞到啲人對佢哋又愛又恨囉。

好似呢個日本妹豬咁，見到烏鴉在身邊，都唔知開心定唔開心好，萬一佢無啦啦變咗進擊的烏鴉咪大鑊？但見隻烏鴉食嘢個樣咁卡娃依，又想幫佢影下寫真喎……

話晒都叫神鳥，係咁意都要應酬下你呢啲愚蠢人類嘅，咪行近啲畀你影下大頭囉～喂咪住先，阿鴉生你做咩將口入面嘅嘢食放喺度嘅？

唔通佢係想請呢位影佢相嘅妹豬食嘢？不過話晒你都含咗咁耐，你叫妹豬點食啫？你仲要用個咁慈祥嘅眼神望住人?，完全就好似一個阿婆?完隻白雲鳳爪仲問你食唔食一甩咁，真係和藹可親到呢～

不過，妹豬你表錯情喇～人哋唔係想請你食，係請你個電話殼食咋！邊個叫你拎個黑白貓頭鷹殼咁似佢啲fd咩，傻瓜⋯⋯傻瓜⋯⋯傻瓜⋯⋯

封面圖片及資料來源：iori_ysd/twitter