又到聖誕，真的感嘆～話咁快就12月，即係毒L距離Lonely Christmas又近咗一大步喇。Any肥，買聖誕禮物呢家嘢唔一定要買畀仔仔女女嘅，就算你係單身狗，買畀屋企人氹下佢哋都得㗎啫。但係平日要OT，放假又咁L多人，點買呀？

呢隻海狸就夠晒Smart嘞，趁你哋收鋪先濕平，唔使怕畀人踩，又唔怕畀啲喼碌過條尾，可以慢慢睇慢慢揀埋鏡試試吖嘛～ 阻人收工？怕咩喎～腦細都係最後五分鐘先叫你開會㗎啦，同樣地，大把客都係臨收鋪最後一分鐘先衝入去話買嘢㗎啦～睇嚟佢就想買棵聖誕樹放水壩咁喎，唔知有冇睇啱邊棵呢？

海貍：「頭先棵聖誕樹掛呢隻聖誕老人上去會唔會太大隻呢？買多隻雪人畀囝囝都好喎！」

不過呢位客人未睇完就畀警察拉咗喇，你睇吓佢個樣幾驚恐？梗係啦，佢都唔知點解自己畀人拉～唔通真係鳩嗚有罪？

海貍：「我⋯⋯我嚟買嘢咋喎，咁都要拉？！我都係姓梁㗎，通融吓啦～」

冇計啦，古乳有暈，阻人收工猶如殺人父母，更何況你仲要打爛晒啲嘢又唔肯走，店員唯有叫警察叔叔帶你返屋企啦～你哋都係呀，要買聖誕禮物就預好啲時間買同埋要有手尾，話晒人哋啲店員都好辛苦㗎嘛，平時要應付咁多「昆蟲」已經夠惡頂，如果臨收工仲要招呼你個大客仔，實即刻變做「西人」呀！

封面圖片及資料來源： ＠firstsheriff／twitter