2016年12月04日 星期日
【一秒崩潰系列】生日見到呢啲蛋糕真係唔知講咩好
唔少hihi都鍾意揀正人哋生日先嚟玩絕交嘅。不過，如果好似早前一位喺男朋友架寶貝車度寫生日賀詞嘅台妹咁玩又好似玩得太盡……嗱，計毛毛話，送個一秒崩壞蛋糕畀人咪得囉！應該係，除非唔係。
話說，最近有日本網民就post咗來自某間蛋糕店嘅參考圖片上twitter，話啲蛋糕嘅造型真係同畫一樣咁抽象喎！一齊睇下～
sorry，毛毛睇咗10秒先呢隻係小飛象……
um……呢隻又冇牙又冇紅鼻嘅到底係大鼻定鋼牙呢？
至於呢個軍曹蛋糕……以毛毛9估，佢變成咁樣樣只有兩個可能：一係未征服到藍星或者買唔到心愛嘅高達模型搞到個樣咁崩潰，一係就去咗削骨還父。
咦，龍貓冇見一排，塊面白咗咁多嘅？唔通咁叻識走去打美白針？介紹埋畀毛毛好喎！
btw留意返，雖然呢位網民覺得呢間蛋糕店啲蛋糕造型有少少抽象，不過佢話，味道嚟講都唔差嘅。
咁老實講，蛋糕都係食落肚㗎啫，味道好、個樣又勉強認到咪收貨囉！慘得過呢個來自另一間蛋糕店嘅美人魚蛋糕，真係認唔到…認唔到……
資料來源：ikuseisou02／twitter、dumpaday
順手睇埋：
