2016年12月03日 星期六
一切開個木瓜就發現入面發晒芽？
聽講發咗芽嘅薯仔係有毒唔食得嘅，咁唔知發咗芽嘅木瓜又食唔食得呢？
最近，有台灣網民切開屋企個木瓜一睇先發現入面啲木瓜籽發咗芽，而且個樣仲幾核突下，十足十生滿蛆蟲咁?！佢見個木瓜咁樣樣，所以咪post上facebook請教大家咁樣仲食唔食得囉……正所謂食得唔好嘥吖嘛。
有網民就話，其實木瓜籽喺木瓜入面發芽係好平常嘅事，照食都冇問題，只不過個木瓜可能會冇咁甜啫～真係令毛毛長知識！雖然係咁，但一眾網民見到呢個發芽木瓜都表示起晒雞皮，又話好恐怖呀咁，更加有網民話以為係魚子醬生蛆蟲同木瓜釀芽菜?！
老老77，發芽咋嘛～使乜驚呀？之前呢位網民一切開個木瓜就發現入面有三粒疑似雞子嘅物體都未驚過啦！最多咪拎去打邊爐加料……55！
資料來源：爆料公社、林丸子／●【爆料公社】●
