而家出街買嘢，嘟一嘟就畀咗錢咁方便，話唔定好多小朋友都唔識憑手感分1蚊5蚊定10蚊銀喇。仲有呀，度度都話唔收1毫同2毫，有啲舖頭甚至連5毫子都唔收，搞到儲起一大堆神沙都唔知點算好。其實銀仔都係錢，銀仔都有靈魂，銀仔都需要一個發揮嘅機會㗎！

日本有個銀仔達人就成日用散紙砌唔同作品出嚟，銀盡其用喇！見到呢個冬甩圈，係咪心諗「唓我5歲就識整啦有咩咁叻啫」咁呢？咁諗你就錯喇少年，睇埋落去先講嘢啦！

燈燈燈凳！係咪O晒嘴咩都講唔出呢！開頭就砌到成個批皮菠蘿咁嘅，點知砌砌下仲要慢慢斜向上面，真係估佢唔到呀！呢件咁強大嘅神作，都係用咗兩個鐘嚟砌咋！

仲有呢件，都係砌咗一粒鐘咋！

銀仔達人周不時都喺twitter同大家些牙佢嘅神作，乜銀都有，高手果然在日本民間！

睇咗咁多作品，見到呢5個銀仔只係就咁楝起，係咪突然覺得跌晒watt呢？但銀仔達人就話，佢平時都係咁樣練習，等自己專心一致同埋唔會手震震㗎。神人都唔係天生就咁神，係慢慢鍛練返嚟嘅，原來世界係咁有希望㗎，等毛毛都儲起晒啲神沙先，慢慢儲，150歲就應該夠錢上車㗎喇！

製作開始から二時間弱。時間を犠牲にした新作をご覧下さい。 pic.twitter.com/11TZp0IkBo

— た　ぬ (@thumb_tani) December 3, 2016

封面圖片、資料來源連結：thumb_tani／twitter

睇埋：【大餅之神】用銀仔都可以砌成咁樣樣？