柴犬打耳就係人都知啦～特別係佢嗰個誘人嘅屁屁同埋軟綿綿嘅面珠墩，真係每次見到都想下捏呀～之前日本就出咗個散紙包畀大家滿足下摵柴犬個面珠同屁屁嘅慾望，不過對於柴犬控又點夠呀～咁如果連食物都有埋柴柴個樣，你又捨唔捨得咬落去先？

講緊嘅之唔係呢隻柴犬款嘅糰子囉，佢一共有兩款，就係正面柴柴個樣同埋佢嘅屁屁。睇下正面款，唔止個表情，最重要係有埋神髓嗰兩撮白色眉毛，還原度真係好高㗎～

屁屁款點少得靈魂所在嘅親切星型標記，同埋個條捲埋嘅尾呢？想像吓，糰子嘅糯米質感係咪同柴柴屁股同面珠墩嗰種又軟又彈手嘅嘅感覺好似呢～不過好彩呢隻糰子冇餡，唔係又會畀人篤屁屁玩到崩壞㗎喇～

無論望幾多次都係咁打耳，叫人點捨得食喎～咁就唯有影返幾幅相嚟呃like啦～不過可惜，呢款糰子係日本妹豬自製，所以冇得買㗎～果然這些機會不是我們的⋯⋯ 

封面圖片及資料來源：mi_ko33333／twitter