日本仔真係好玩得，有幾玩得？毛毛唔用說話嚟答你哋，毛毛用例子嚟答你哋。

話說，日本JR九州有個一年一度嘅活動－「JR九州大分支社歳末チャリティー」，活動當日有唔少畀人盡情釋放自己扮嘢潛能嘅環節，呢啲表演者扮鬼扮馬咁，都唔知吸引幾多途人嘅目光呀！

不過話明係JR九州，又點少得代表到九州嘅特色列車呢，就好似特快列車「九州橫斷特急」同「由布院之森」呀咁～

吖，毛毛以為呢幾架只係畀人觀賞嘅九州特色列車模型啦，點知原來內裏大有乾坤……等我變身先！

嘩，係由JR職員化身而成嘅特色列車呀～你睇佢哋幾生猛！btw，霞姨，點解扮「由布院之森」嗰條友仔冇交戲不但止，仲望咗去另一邊㗎！臨時演員都係演員，精神啲！

好啦，畀你成功搶到fo喇……威啦而家！

資料來源：alphaone2201／twitter​、nk0125／twitter

JR九州の駅員さんのノリの良さよw pic.twitter.com/rQNVfeJxUT

— 明日香@あすてぃー (@nk0125) 2016年12月3日