細細個阿媽叫你儲錢，通常都係買個豬仔錢罌叫你入滿佢嘅。不過每到咁上下就忍唔住幫佢強制性減肥，隻豬仔邊到儲得肥吖～所以儲錢最緊要買個又靚又冇得開嘅錢罌，咁先唔會咁易打開佢兼唔會捨得打爛佢拎錢呀嘛！就好似呢幾個咁：

咩話？雪種罐？古乳有暈，有媽的孩子像個寶，有呢個台灣媽媽就簡直執到寶?呀！話說呢位台灣媽媽見老公間冷氣公司成日都有唔要嘅雪種罐，就咁抌咗佢又嘥喎，於是咪魯芬急轉彎，將啲罐改裝做錢罌囉～

你睇下，個個唔同款，港日美三地卡通代表都有齊呀！估唔到呢位台灣媽媽咁識貨，連伴你成長嘅老夫子都有，仲聰明到用個罐柄嚟做腳?。

個入錢窿就喺個公仔個patpat度，入完將佢反轉仲可以當做埋運動?呀～每日咁入錢落去同反轉佢，儲滿嘅時候咪有強健嘅臂彎囉？呢位媽媽真係諗得周到。不過老老77，儲滿佢又點，咪又係買唔到樓⋯⋯

封面圖片及資料來源：張嘉峻／爆廢公社