做得貓奴，本份就係盡心服侍主子，話之你返工做到隻狗咁呀，總之主子一肚餓你就要餵佢食罐罐，就算佢唔餓，自己都要醒水，定時定候進貢唔同零食先係㗎嘛！

之前有個奴才唔夠醒水，搞到兩位聖上要出動「奪命追魂叮」，喪撳成30下鐘仔催佢餵嘢食，咁咪唔識撈囉，隨時得唔到主子歡心，連剷sss都冇佢份㗎陰公。

唔知呢個奴才係咪連主子喪叮佢都唔識醒水，仲係成日唔記得進貢罐罐喇，搞到主子要出賣肉身！唔好諗錯隔籬呀，講緊主子要show佢嘅大隻二頭肌出嚟畀個蠢奴才睇下，話畀佢知再係咁大懵就有咩下場！

「奴才！你係咪五行欠打呀喵！」

不過，做奴才嘅，就算主子唔出手，淨係睥一睥你都怕怕啦！記得小心啲，唔好畀佢見到你睇緊呢幾張大隻仔喵星人丁圖?呀，唔係佢一陣化身筋肉袋鼠同你隻揪呀！

自慢の筋肉を見せつけてくる猫 pic.twitter.com/4nDznNg04M

— まき (@makingdom_) December 5, 2016

封面圖片、資料來源連結：makingdom_／twitter

延伸閱讀：【殘酷一叮】兩主子喪撳鐘仔30下 催奴才餵嘢食