喺香港地，最易喺街上見到嘅小動物一定係麻雀仔喇！不過可能見慣見熟啦，大家都忽略咗佢哋有幾打耳。其實細心睇，麻雀仔肥嘟嘟又圓碌碌咁，真係好治癒㗎！

聽講日本有間動物園都有養麻雀仔啵，不如一齊去睇下囉？雖然去到動物園，例牌都一邊睇動物一邊大叫巧打耳，唔會點睇側邊塊簡介㗎喇。不過一場嚟到又想懶係有深度咁，咪求其望下囉。

明明大家都係雀，有咩奶油鸚鵡就有得影相仲要咁鬼型英帥靚正，麻雀仔就係手繪風先……麻雀仔係就係圓碌碌，但唔係肥到暴漲囉大佬，加埋呢個咁妙嘅表情，相信動物園就係知大家平時唔細心睇塊簡介板，所以特登畫到咁樣樣，吸引大家望多兩眼，真係用心良苦！

而喺日本另一間動物園，都一樣堅持唔用麻雀仔嘅相而採用手繪風格，畫中嘅麻雀仔仲不約而同地係不良少年咁樣樣㗎！呢幅畫仲唔係行緊印象派？仲要係破壞印象嗰隻?呀！麻雀仔，你大個仔有毛有翼喇，唔好學人染金毛，更加唔好埋咗個麻字堆，跟麻鷹哥搵食呀！

【動物園にて】

私｢ここに来るの久しぶりだわ〜｣

父｢あ、動物紹介のやつ新しくなってる｣

私｢ほんとだ。新しい子も入って…………！！？？｣ pic.twitter.com/ip576tDuRV

— chez (@chez0625) November 20, 2016

封面圖片、資料來源連結：chez0625／twitter、_uinei_／twitter

延伸閱讀：【好治癒嘅畫面】我哋一齊飛落車底避雪啦吱吱！