畫黑板嘅嘢，有邊個學生哥未試過吖？毛毛最鍾意就係畫叮噹㗎嘞，圓圈加一點，圓圈加一點，都不知幾易畫！不過，畫呢啲咁簡單嘅嘢又邊有成功感吖，所以最近有台灣同學仔就將成張《你的名字。》嘅poster畫喺黑板度呀！一齊睇下～

嗚哇！無論係雲嘅形狀定啲草嘅方向，甚至係啲光線都畫到同張堅．poster一模一樣，睇嚟呢位同學仔肯肯定係《你的名字。》嘅超級fans嚟嘞～畫得咁靚，真係超強呀！

btw，雖然呢位同學仔幅《你的名字。》poster已經畫得好出色，但再出色啲嘅都仲有……毛毛講緊嘅咪早前呢幅屈晒機嘅《最後審判》黑板畫囉！呢幅咁強大嘅作品就係出自一位數位媒體與文教產業學系嘅教授－翁漢騰老師嘅手筆㗎嘞，聽講佢足足用咗成兩日先畫完呢幅作品㗎～

嗯，好彩毛毛以前讀書時候啲老師同同學仔冇咁強大……如果唔係，你哋叫畫開抽象版叮噹嘅毛毛情何以堪啫！

資料來源：dcard、Hank Ha

回帶：【點做到】呢幅《最後審判》黑板畫會唔會太強大？

回帶再回帶：【機已屈】用塊濕布都可以喺黑板畫到自由女神出嚟？