下廚呢家嘢真係博大精深，連煮個麵要凍水定熱水落都大有學問～不過對一眾地獄廚神sss嚟講，無論個食譜幾清晰、啲指引幾清楚，佢哋都好似一個路痴對住google map咁難理解呀！就好似日本呢個網友咁，佢諗住畀老竇自己去烚條腸啦，點知咁都會出事㗎喎……

話說呢款腸就係經常出現喺日本祭典嘅人氣小食嚟嘅～煮完條腸用竹籤篤住就變到成塊波板糖咁，啖啖肉又唔使成條放入口度咬，啱晒啲有櫻桃小嘴但又愛食腸嘅你。

老老77，聽落呢款腸都唔係咁難整啫，都係拮支竹籤入條腸度，然後再拎去烚咋嘛！點解老竇咁都會出事嘅？

嗚哇，人哋叫你喺「中間插入」，意思係好似波板糖咁插，唔係好似你而家咁喺個條腸個籮柚度插落去咁天才呀！咁烚法，條腸想唔解體都難啦！

btw，唔同老竇想跳絲帶舞又要話你知咩？老竇烚的不是腸，是夢想呀！嗯，毛毛隔住個mon都feel到佢想做體操選手個團火……i wanna dance dance dance dance dance～fantastic daddy～ 

封面圖片及資料來源：ichigo_niconico／twitter

圖片來源：rio2016.olympics.com.au