眾所9知，迪士尼樂園每日都會安排一眾迪士尼朋友仔同大家見面，就好似米奇同米妮呢兩公婆咁，次次出場都吸引唔少fans爭住同佢哋影相，都不知幾忙呀！

吖，唔知係咪因為班迪士尼朋友仔太忙想唞唞嘅關係呢，最近喺上海迪士尼竟然出現一隻米妮分身，而且隻米妮分身同遊客影完相之後，仲識得伸手問人拎貼士?喎……嘩，唔L係呀？米妮幾時變得咁貪錢㗎？

睇真啲～點解米妮好似唔同咗樣咁嘅？原來呢隻咁貪錢嘅米妮笨唔係堅．米妮，佢係由強國人強行扮嘅米妮老翻嚟咋！之不過因為呢隻米妮老翻身處嘅位置屬於免費開放畀公眾嘅area，所以迪士尼先吹佢唔漲咋嘛。嗚哇！喺淘寶買套米妮衫就可以商機無限，諗呢條橋出嚟嗰個真係天才呀！

老老77，要比錢先有得影嘅米妮老翻你影唔影吖？傻嘅都知道梗係……影啦！正版米妮個個迪士尼都有㗎啦，有咩咁特別啫？但米妮老翻就唔同，佢得一千零一隻，而家唔影都唔知遲啲有冇機會影呀！55！

資料來源：Theme Park University、上海迪士尼樂園、香港迪士尼樂園