雖則毛毛份人咁nice就絕對唔會喺雞蛋裏面挑骨頭，之但係，你隻蛋都唔使連蛋黃都冇呀？

是咁的，話說有位日本人妻最近一次下廚嘅時候，竟然畀佢遇到一隻得蛋白冇蛋黃嘅雞蛋喎，佢仲話自己做咗成九年家庭主婦都係第一次見到咁嘅情況咋！既然買到N年難得一見嘅「冇黃蛋」，就梗係要即刻同大家開心些牙下啦～

吖，話時話，點解隻蛋會冇蛋黃咁神奇㗎呢？唔通呢隻係基因改造蛋，有科學家睇到之前有妹豬挑戰一次過啪100隻烚蛋條片，擔心太多人有樣學樣會出事，所以就改到啲蛋冇晒黃？定還是呢隻係強國最新假蛋呀？

根據毛毛請教完google大神所得出嘅結果，「冇黃蛋」嘅出現係因為雞生蛋嘅時候細胞分裂異常，又或者隻母雞本身未發育好。其實以前喺台灣同內地都曾經出現過「冇黃蛋」㗎喇，溫提：如果大家怕呢啲蛋食咗會對身體有害，咪唔好食佢，淨係要嚟呃下like咪算囉～

資料來源：Chuchnsdboy／twitter

9年間主婦やってきてこんなの初めてです pic.twitter.com/mHEqunP3tR

— るふふふ (@Chuchnsdboy) 2016年12月9日