成日聽人講，女仔最鍾意就係收花，不過對吃貨嚟講，又唔一定㗎，話唔定佢哋真係心諗扎花睇得唔食得，不如請佢食餐勁嘅咪仲實際。

送花呢啲咁浪漫嘅事，都係等男朋友做啦！作為好朋友，慶祝生日又點可以淨係買個蛋糕點支蠟燭咁求其呢，於是呢位網民就諗到用鹹酥雞整扎「花」畀佢roommate 賀佢生日喇！

唔止有鹹酥雞㗎，仲有炸丸呀炸腸仔咁，壽星女收到呢份咁特別嘅生日禮物，一定滾動到出晒口水喇……其實扎鹹酥雞花包得咁靚，邊捨得食呀，不如都係學收真花嘅妹豬咁，擺返一個星期欣賞下先啦？

想送扎特別嘅花畀朋友但又唔想咁熱氣嘅話，都可以諗下呢款蔬菜花束啵！睇得又食得，唱完生日歌成班fd子一齊打邊爐食咗佢都不知幾開心！

封面圖片、資料來源連結：dcard

延伸閱讀：【實用・美觀】畢業禮拎住呢札花影相先型㗎嘛！