「可唔可以唔好成日拎我部電話嚟睇？你check我即係唔信我啫。」
「你唔係身有屎嘅，又怕咩畀我check呀？」

對一啲好奇寶寶嚟講，手機呢家嘢就好似啪啪紙咁，見親佢都硬係忍唔住撳幾撳嘅。嗱嗱嗱，唔check由自可，一check就畀呢位台灣人妻發現有女女send騷腿自拍照畀自己老公喇……嘩，唔係咁過份呀嘛？小二，兩斤花生！

話說，最近有位女女就向事主老公查詢有關租屋嘅嘢，咁事主老公問返人哋想租邊類型嘅屋都好正常啫係咪？點知就喺呢個毛文，呢位女女突然send咗一張全身自拍同一張淨係影腿嘅相出嚟喎！雖然呢位女女事後解釋返，佢send呢兩張相只想表達自己想搵邊類型嘅屋，不過事主覺得呢個解釋實在太唔對路，呢兩張相邊L度show到你想租咩屋先？所以佢一於將呢單嘢post上網，畀一眾網民評評理！

其實呀，使乜擔心咁多吖～以毛毛9估，呢位女女send呢兩張相出嚟都係想畀事主老公知佢好窮，窮到條褲爛成咁都要繼續著住嚟過冬，等事主老公見佢咁陰公可以平少少租畀佢啫！一定係，55！

資料來源：Aibo Lin／爆廢公社