想當年，唔少人屋企都會有對「白飯魚」。好多人都唔知「白飯魚」有幾偉大，但其實無限嘅創意就係咁激發出嚟㗎喇！就連子華神都係咁樣樣創造出佢對crossover白飯魚咋嘛！嗱，室外就著「白飯魚」吖，咁室內又著咩呢？登登登櫈，之唔係名牌拖鞋囉！

點呀？對名牌拖鞋是咪好靚呢？

話說呢位台灣網友就醒呢，淨係用回收箱嘅紙皮就整出一對又一對嘅高仿名牌拖鞋……唔止潮呀，仲好環保?～真係紙皮嘅價錢，燒鵝嘅享受呀！

唔鍾意「欸啲打」同「奶ky」呀？咁不如買返對「標靶」吖！你哋睇下隻黑豹幾威武，真係拍得住毛毛咁型英帥靚正㗎～

都係睇唔啱？唔緊要……想要咩牌子、咩款式即管開聲，大筆一揮即刻幫你搞掂佢！睇下，連高比拜仁嘅limited edition同強國人最愛嘅New Barlun都難唔到佢！

不過咁，你哋估整一對咁靚嘅紙皮拖鞋易㗎？話晒對對都係DIY，DIY得耐都攰㗎，所以你班網民都係唔好再落order，畀佢唞下啦好嗎？

封面圖片及資料來源：dcard