最近，網上流傳咗一張情侶抱抱照，相中一對男女摟到實一實咁，真係隔住個mon都feel到佢哋有幾sweet！不過，閃照呢家嘢毛毛成日都喺facebook同ig見到㗎啦，而家呢張有乜咁特別先？嗱，呢張情侶抱抱照之唔係特別在大婆同二奶都喺同一張相入面囉！唔信睇下～

唔係呀嘛，大婆同二奶同時出現咁大粒花生？但毛毛望去都只係見到對攬到實一實嘅情侶咋喎，說好的二奶呢？唔通係畀男主角遮住咗嗰個人？定係張相右手邊嗰個呀？

錯錯錯！其實個二奶根本就係呢個金髮女人！大家睇下男主角隻手就知道佢個心由始至終都喺隻貓貓度啦，所以貓貓先係大婆，你呢個愚蠢嘅女人只係二奶嚟咋！主子對於呢位不自量力嘅女人表示：

話說話，點解呢一幕好似咁似曾相識咁嘅？

冇錯，我的最愛的確可以有好多個，鍾意嘅就keep，唔鍾意嘅就delete，之但係奴才對主子嘅心係永不滅㗎！假如妹豬你愛上嘅係一位男貓奴，咁就唔好奢望佢會將你放喺第一位喇……好似係。

資料來源：juanin-pro／tumblr