子華神話過，最潮嘅爛牛就係，人哋淨係望你條爛牛都可以合理咁推斷你對腳係醫返都嘥藥費，就算拎去同木乃伊換，木乃伊都嫌棄你！不過最近毛毛就發現，原來爛牛唔止係fat唇，爛牛爛得嚟仲係有功能㗎！

網上有位網民一定係有睇逃學威龍，知道出貓最緊要係用腦，所以用咗出貓三十六著嘅高高招，「爛牛藏紙」！睇唔睇到張紙呀？梗係睇唔到啦，話明高高招呀嘛。

zoom近啲你睇喇～見唔見到嗰張隱隱約約嘅貓紙呀？唔咁近睇都睇唔出喺密密麻麻嘅綿碎下面，原來有密密麻麻嘅字喺下面，黑白分明嘅文字完美融合綿碎嘅線條，簡直係今個考試季節必入手嘅潮流佳品呀！

仲可以按個人閱讀速度揭開唔同位置，唔同嘅爛位可以放唔同嘅章節，貼心設計，出貓首選。同學，你今個考試買咗未呀？未？咁你仲睇？熄機溫final啦！畢咗業好耐個啲，唔使諗喇，你都唔會再有機會用得著㗎喇⋯⋯應該係。

封面圖片及資料來源：微博

延伸閱讀：你哋話吖！個女租客sd啲咁嘅相畀我老公睇係咩意思先！