搵工，係一場漫長嘅仗。雖然個個腦細口裏都話唔介意請fresh grad，但其實心入面咪又係想搵個有經驗嘅！fresh grad哪有經驗啫你老……唉，如果毛毛好似呢兩位台灣同學仔咁醒，想當年就唔使漏空「工作經驗」嗰欄咁樣衰啦！ 睇下，人哋竟然連自己讀書時候做過班長同風紀都寫埋喺履歷度喎！

咁老實講，又真係冇法例講明唔可以寫「班長」同「風紀」喺履歷嘅……你哋估做到班長同風紀咁易㗎？要乖仔乖女先做到㗎！另外，佢哋仲喺「家庭」嗰欄剔咗「子女」?……喂喂喂，雖則你哋做緊阿爸阿媽嘅仔女啫，之但係而家人哋係問緊你哋結咗婚未、有冇仔女呀，唔好咁醒目啦好嗎？ 

（溫提：工讀生即係兼職咁解，好似係。）

btw，雖然呢兩位台灣同學仔就冇乜工作經驗，淨係做過班長同風紀，但起碼而家唔使好似上面嗰兩個求職者咁搞場大龍鳳出嚟都吸引到腦細注意吖～喂，家下呢個時勢，令腦細記得你份履歷都當贏啦下話？

資料來源：盧咖稱／爆笑公社、dailymail