2016年12月14日 星期三
【毒L識食】原來當鱈魚絲係麵咁煮 味道又唔差㗎喎！
「你餓唔餓呀？我煮個麵你食吖？」肚餓嚟講，最快捷嘅醫肚方法就梗係求9其煮個麵啦，之但係，如果屋企連即食麵都冇個咁點算好呢？唔使驚，毛毛喺大廳！嗱，你將包鱈魚絲當係麵咁煮咪得囉……咩話？想當年毛毛嘅小息必備零食－鱈魚絲？
冇錯，最近有位台灣網民先至試完呢個古法祖傳秘方咋嘛，佢食完仲話味道唔錯?～聽到佢咁講，搞到毛毛都心郁郁想試下，順便搵返啲童年嘅味道！溫馨提示，由於鱈魚絲本身就有味，加上佢一打開就已經食得，所以煮「鱈魚絲麵」嗰陣就唔使落咁多調味料，同埋唔使咁早落煲嘞。
Btw，其實用鱈魚絲整嘢食已經唔係新鮮事，早幾年已經有人咁做㗎喇。睇下～係「鱈魚絲粥」呀，仲加咗雞蛋同蔥花?！
唔止咁，仲有呢款「韓式鱈魚絲煎餅」！嗯，不過睇落就好似複雜咗少少……
話時話，到底一個連即食麵都冇嘅屋企，又會唔會有包鱈魚絲喺度呢？
資料來源：Jonas Yeh／爆廢公社、痞客邦
毒L識食系列：
