2016年12月14日 星期三
【係緣份呀】唔見拖鞋同執到拖鞋嘅人終於相認了？
聽講，想搵返唔見咗嘅嘢，最好嘅辦法就係唔搵！因為呢個世界就係，你想搵嘅時候用盡一切方法都搵唔到，但當你冇諗住搵嗰陣，嗰樣嘢又唔知點解會自動出現返喎……
就好似呢位日本網民咁，佢早幾日搭地鐵就唔小心整甩咗隻拖鞋……唉你哋知啦，得返一隻拖鞋，喺條街度行好樣衰㗎嘛，除咗佢又唔係，著住佢又唔係咁。點知隔咗十幾個鐘之後，佢竟然喺twitter搵返唔見咗嘅呢隻拖鞋喎！呢個網絡世界真係世界真細小小小呀～
雖然執到拖鞋嗰位網民就唔可以即時將隻拖鞋交返畀事主，事主都係要樣樣衰衰咁返歸，之但係，能夠喺茫茫網民海之中相遇，都算係一種緣份吖係咪？嗚哇！緣份嘅嘢，真係話嚟就嚟，要擋都擋唔住！計毛毛話，既然兩位施主咁有緣，不如索性「be fd，ok」啦。
