2016年12月14日 星期三
【高手在農耕】出嚟啦！小精靈稻草人！
自古以來，稻草人都擔當住保護農作物嘅使命，有咗佢哋，農夫嘅心血先至唔會畀人破壞咋！吖，毛毛已經早前來自日本嘅哥斯拉稻草人已經夠新潮，點知一山還有一山高，最近喺台灣都出現咗一堆小精靈稻草人喎！而家就等毛毛同大家一齊睇下～出嚟啦，小精靈稻草人！
嗚哇，係傻鴨、卡比獸同喵喵怪呀！
btw，西檸雞同比叉燒做咩好似唔同咗樣咁嘅？以毛毛9估，隻比叉燒肯肯定係想減輕小智膊頭嘅負擔，所以自行減磅啦！
話時話，點解無啦啦會有小精靈稻草人出現㗎呢？唔通台灣人真係想向日本仔挑機？
你呢個問題問得真係好，毛毛都好樂意解答你呢個問題……答案咪就係因為呢個係台灣一個名為「2016田中鎮稻草人藝術節－幸福稻田中」嘅活動嚟，而且今個星期六日上晝九點就會喺彰化田中鎮頂潭里望高寮度舉行，有興趣而最近又喺台灣嘅朋友仔咪去睇下囉。
資料來源：陳美力／爆廢公社
