要肚仔happy，最緊要就係食多啲生果，咁就唔怕冇便便啦～不過要食生果都唔係咁易㗎，尤其係唔想個生果撞到成身瘀晒又漏汁又盛就仲難，就算擺入袋拎返公司或者學校，喺返工時間嘅巴士同地鐵上面，佢唔變果汁都算你贏呀！而家坊間有好多放水果神器，弊在淨係可以放一種生果，仲要特登畀錢買，真係好唔reserve囉～即係唔抵呀。

好似日本呢個妹豬就醒呢，識食柑梗係放佢入個扭蛋殼度，咁咪落雨不怕落雪也不怕，就算成個跌落地下都不怕囉～最緊要扭蛋呢家嘢有大有細，仲要大把人唔要，真係垂手可得呀！妹豬呢個咁smart嘅idea，一放上網就個個爆like喇，不過竟然都仲有人挑機呀！

妹豬雖然高招，但係呢個網友真係晒你冷呀！呢個咪絕對防御水果恆溫處理神器生果乜乜乜2.0？你睇呢個箱間隔分明，採用高級防震物料，再加上地球金屬製成嘅外殻，即使喺繁忙時間出入金鐘屍殺列車都保證水果絲毫無損，加上大容量嘅設計，「我要帶十個」都完全無難度呀！

不過老老77，師兄你帶咁多個柑出街，同運吉無咩分別㗎喎，仲要拎咁大個箱四圍騰，都係算9數罷啦～計毛毛話，應該將妹豬嘅idea發揚光大，全港增設生果扭蛋機，咁咪隨時都可以蝕一甩，唔使成日葡萄人地啲葡萄呀嘛～

封面圖片及資料來源：moeKLX125／twitter