網購呢個龍潭虎穴，真係少啲勇氣都落唔到單。你以為買衫褲鞋物已經夠晒危機四「伏」咩？錯呀！等毛毛話畀你知咩叫真正嘅打大佬啦！

嘩＿！呢個風筒著晒火咁係咩玩法呀？老老77，假如吹吹下頭嘅時候個風筒突然著火，都咪話唔驚呀！尤其是係對吳焗腸呢啲人嚟講，本身都已經冇乜頭髮㗎啦，而家再受一受你個火攻……個頭仲有得剩嘅？！

btw，以毛毛9估，其實呢個笨唔係風筒，而係「零零漆同款」同系列商品－用咗風筒嚟做表面掩飾嘅火槍嚟啫！

咁掉返轉買火槍會唔會變風筒呢？老友，畀你估到就唔係淘寶啦。你得到嘅唔止係一把火槍，你仲會得到一把永遠不滅嘅聖火……試想像一下，你就咁拎住把熄唔到嘅火槍，嗰種無奈真係非筆墨可形容，而你身邊嘅同事……係笑得幾咁＿＿（請自行填充）。

封面圖片及資料來源：滿滿兒／爆料公社亞洲版