唔使毛毛多講，大家都知日本便利店嘅食物係有幾高汁，好似飯糰麵包雪糕乜乜乜呀，真係諗起都出晒口水！不過咁，有時食得多便利店嘅嘢都難免會覺得有啲頹嘅……如果令便利店食物n秒變世界級美食？等呢位日本網呢教下大家啦！

話說，呢位網民最近就成功研究出點樣令本身味道已經唔錯嘅便利店咖喱包變得更加好味嘅方法。登登登櫈，秘訣就係喺隻蛋度！

首先，大家要喺個咖喱包上面開一個窿，然後就可以打隻蛋落去，跟住再放入微波爐加熱，咁呢個世界級美食就大功告成喇！係咪既方便，又快捷呢？

賣相高檔咗，就連營養都豐富埋，正呀！

Btw，蛋呢毛毛屋企個雪櫃就有，之但係個廉價高汁咖喱包……唉，橫掂香港都有一蘭同GU咯，咁唔爭在引進埋便利店啦嗚嗚……

資料來源：tanimeso／twitter

延伸愈毒：【毒L識食】杯麵淨低啲湯可以咁用