聖誕節就到，大家都好開心咁迎接聖誕老人，但其實大家仲記唔記得聖誕節嘅真正主角－耶穌呢？話晒聖誕都係耶穌生日，但一個二個都淨係記得嗰個紅色衫嘅大肥佬，公平咩？唉，世人忘記佢都算啦，估唔到而家連貓星人都咁唔畀面呀下！

話說每逢聖誕月，有啲教堂就會放個聖誕場景喺度，等啲人睇下BB耶穌出世個情形係幾咁kind of sweet。而最近，有隻主子就睇中咗馬槽入面張稻草BB床，仲推走咗個BB耶穌兼霸咗人哋張床呀！主子呀主子，雖然人類成日都供奉你啫，但你唔係真係當咗自己係神下話？

不過話明神愛世人，都應該連埋貓貓狗狗嘅，以毛毛9估，耶穌都應該唔介意同主子開心些牙張床啩？好似呢隻狗狗咁，走埋上去同BB耶穌一齊過聖誕，成個畫面幾有愛～

btw，除咗耶穌之外，其實同樣喺聖誕節生日嘅人都好慘。個個淨係記得聖誕節出去玩，fd子送禮物又淨係送一份當晒係生日同聖誕禮物……但係你記住You are not a窿㗎，至少有耶穌同你一樣，都成日畀人遺忘咗聖誕節係佢生日吖……

封面圖片及資料來源：revkatebottley／twitter、shareably