上網買嘢就好似follow 女神IG咁，圖片只供參考是常識吧，講都講到口臭啦，不過網購咁方便，又真係好難忍手嘅。上淘佬網shopping易中伏就係人都知，外國朋友上外國網shopping，應該安全喇啩？

話說加州有個網民上網訂咗條32吋腰圍同埋32吋長嘅牛仔褲，點知……喂師兄，你又話買牛仔褲嘅？著住條潛水褲連蛙鞋做乜spring先？

再睇多次條褲個tag，又真係寫住32喎頂你！但條褲肯肯定長到點睇都唔似32吋長囉！乜而家牛仔布好平咩，整到咁長都有嘅！

可憐嘅事主仲特登拎自己條堅係32吋長嘅褲擺喺隔籬對比下，即刻好似變咗童裝咁樣樣呀……白天不懂夜的黑，就連32吋也不懂32吋的長……

不過咁，少年，不要嘗試以為自己有多獨特！中伏嘅幸運兒又點止佢一個呀，另一位網民都試過買到呢條偽32吋牛仔褲，仲話著到上頸都得呀！

咁多客人都畀負皮，廠商又點解釋呢？佢哋話，其實呢款叫做「Super Skinny Stacker Jeans」，就好似以前日本學生妹好興嘅大象襪咁，要堆到一摺摺咁著先型㗎！不過毛毛就覺得咁樣著顯得有啲腳短啫，識著一定係好似蛙鞋咁著，咁先打造到視覺系長腿效果吖嘛！

話時話，班洋鬼子而家先興著長腿褲會唔會out咗少少？

.@ASOS_HeretoHelp got my jeans from y'all today. Is this a joke?? These are NOT 32/32 jeans. I placed 32/32s next to them for reference ?? pic.twitter.com/A6CVaJRPHG

— Micah Berteau (@MicahBerteau) December 14, 2016

封面圖片、資料來源連結：MicahBerteau／twitter

同場加映：

【你玩我呀】上網買伊貝公仔 送到嚟變咗咁樣樣

【世界真細小】上網買咕? 到收貨先發現個size仲細過手掌