成日上網見到啲咩三分鐘化妝教學、手殘都識畫嘅動漫人物畫法，以為真係好易啦，點知到自己嚟嘅時候都係totally fail……唔通毛毛美術天份真係低到負數？！我唔信！用落葉砌公仔應該易啲成功喇啩！

之前都同大家介紹過日本呢位用落葉砌小熊維尼嘅超強大美術老師啦，睇下佢砌嘅小熊維尼，又打耳又有神髓，真係見到都想攬實佢㗎！都係將啲唔同顏色嘅落葉堆嚟堆去啫，應該唔難做到嘅！

有位網民就試下跟住砌喇，點知……嗯，啲顏色都幾似嘅，睇在佢咁畀心機收集紅葉，咪返10分誠意分佢囉。唔通人哋砌緊畀火燒完嘅小熊維尼又要話你知咩。

不如都係睇返老師嘅作品好過啦，單係呢個樹葉色盤都已經贏你幾條街呀！咁常見嘅材料都可以當係教材，教學生細心觀察身邊嘅事物，可以做到佢學生真係好幸福呀！

落ち葉アートやりたかったんだけど、想像と全然ちがうwww
頑張りました pic.twitter.com/lqBpn27Xbs

— ちーくん (@chikun0117) December 14, 2016

封面圖片、資料來源連結： chikun0117／twitter、hamacream／twitter

回帶：【巧打耳】用落葉嚟砌小熊維尼會唔會太強大？