結婚對唔少女仔嚟講都係人生中最重要嘅大日子，嗰日梗係要全場最省鏡先得啦！雖然而家多數人都會揀著婚紗影結婚相或者行禮，不過傳統服飾又有另一種味道喎，人就得一個，靚衫就咁多套，真係仲難揀過揀老公呀！

姊妹們，唔使驚，有咗呢款「和紗」咪可以一次過滿足晒兩個願望囉！佢係婚紗crossover和服嚟嘅，有和服嘅pattern，但配上婚紗嘅cutting，又華麗又有古典味呀！

唔好以為佢只係有pattern嘅婚紗咁普通呀，等我變身先！和紗勁就勁在可以10分鐘之內美少女轉身變，變返傳統和服又得，變做婚紗又得，得咗！方便去神社同埋擺酒吖嘛！著住呢套咁靚嘅和紗，老公仔一定情願唔洞房，都想睇住老婆仔著耐啲呢套和紗啫嘻嘻～

封面圖片、資料來源連結：orientalwasou 、rocketnews24