2016年12月19日 星期一
【大大力】憎小強啫，唔使打到掃把都斷埋下話？
呢個世界上，除咗《男親女愛》入面嘅余樂天Lok哥之外，應該就冇乜邊個會鍾意小強嘞。尤其係一眾妹豬啦，個個一見到小強就依嘩鬼叫咁，叫到毛毛呢啲本身唔驚小強嘅都畀你班妹豬搞到驚埋一份呀……老老77，想小強消失？其實唔使用劍嘅，用呢位台灣網民隻手咪得囉！
「你知道打死一隻蟑螂需要多大的勇氣嗎？」
睇下，呢隻小強喺佢手下死得幾可憐，睇到毛毛都眼濕濕（我係真心㗎.jpg）……弱弱一問，到底一個人要去到幾憎小強先可以激動到連支掃把都打斷埋呢？
而講到力拔山兮氣蓋世嘅，除咗呢位小強殺手之外，仲有以下呢位砧板剋星！
話說佢諗住難得回娘家，咁咪露兩手煮個晚餐囉，點知佢切切下蔥嘅時候就唔小心一刀劈爛咗個砧板，將個砧板一分為二喇！
嗯，毛毛除咗恭喜你都唔知講咩好……我真係恭喜你呀！你得咗喇！知唔知你而家得咗啲咩呀？你成功得到咗……兩個砧板呀！恭喜恭喜！
資料來源：邱偉偉／爆廢公社、Sarah Kuo／爆廢公社
延伸閱讀：
