「你哋睇下！阿邊個又執相執到後面啲欄杆攣咗喇！」
「唉，好心佢就醒目啲，搵幅白牆影咪算囉。」
「等我cap低佢send埋畀Kinki睇先～」

憑住毛毛多年偷聽唔覺意聽到女同事傾計嘅經驗嚟講，平時女人傾計有咩話題，毛毛都可以話係瞭如指掌～而其中一個熱門話題就肯肯定係「阿邊個邊個有冇執相」！最近，有網民都發現范冰冰疑似執相執到過晒火，搞到背景後面道門攣咗喎！咦，乜咁失策呀？

是咁的，話說范冰冰早前就見自己個妝化得咁靚，咁就諗住趁自己未落妝，影返幾張自拍同大家開心些牙一下啦，而且堆自拍仲張張都唔同表情唔同角度，實行要完美呈現自己個靚樣畀大家睇?！點知就畀眼利嘅網民發現……點解後面道門攣咗嘅？

咦，又係喎……正常一道門冇理由係咁㗎嘛！唔通呢位網民睇錯，其實呢道唔係門，係塊窗簾布嚟呢？定還是家下啲門興設計到攣晒咁呢？

btw，有冇執都好，其實執相又無傷大雅嘅～上面呢位女女執到連支叉都變埋形咪又係咁！唔通你發現人哋執相又要大大聲笑7佢咩？女人係要人氹、要人愛鍚㗎，所以大家求其留個言溫提一下咪算囉。

老老77，假如范冰冰呢種級數嘅女女都要輕輕p一p張相嘅時候……唔怪得私煙要大大力咁p啦！明晒！完全明晒！（講還講毛毛冇貼圖）
 

資料來源：范冰冰／微博

回帶：【世紀神回覆】台灣網民日日留言畀IG女神講呢啲

回帶又回帶：藤原紀香Po全身照曬長腿 後面道門攣咗嘅？