林寶堅尼堪稱男人的浪漫，就算喺香港都係塞車居多，又！如！何！只要一揸出街，不論男女都會望住你⋯⋯架車，淨係呢個分唇就咩都抵返晒啦！可惜吖，呢種浪漫比起豆腐火腩飯實在貴太多罐午餐肉，哪有錢呀？不過，真正愛林寶嘅男人又點會咁易放棄呢～

睇下呢堆設計圖，唔通呢位仁兄想自己砌架林寶堅尼出嚟？喂，就算單買零件逐件砌都好重皮㗎喎！

砌就係砌，不過唔係用真零件砌，係用雪砌呀！由畫草圖到砌返個形出嚟，前前後後用咗超過20個鐘，仲要喺正大學停車場度砌?。驟眼睇真係以為有架堅．林寶畀啲雪遮住！你叫啲揸Honda同Toshiba嘅老師情何以堪呢？

可惜，浪漫呢家嘢同愛情一樣，來得快去得快，轉眼就消失。呢部雪造嘅林寶，喺太陽出來了嘅時候，話咁快就變成融咗嘅林寶堅尼雪，簡稱「林雪」喇。雖然唔可以天長地久，至少都叫曾經擁有吖，毛毛當然係講緊架林寶啦⋯⋯

封面圖片及資料來源：kuromitsu__9632／twitter