古乳有暈，人生有個真正朋友的確好極。真正嘅好朋友，就係喺你＿ 街嘅時候笑得最開心，仲要笑完先過嚟扶你嘅人。好朋友，仲會喺你生日嘅時候，將滿滿嘅心意投放喺整蠱你上面，好似呢位台灣嘅朋友仔，簡直就係整蠱界嘅第一高手呀！

同好朋友慶祝生日，又點少得蛋糕呢？一件小小嘅抹茶蛋糕，埋藏住朋友嘅大大份嘅心意。冇錯，呢件賣相咁似鋪頭買嘅蛋糕，其實係朋友handmade，仲要特別改良過個配方，包保朋友一試難忘呀！

呢道甜品嘅精粹唔係啲抹茶粉，係辣椒籽呀！呢個好fd子將十幾隻辣椒拆籽再撈入啲朱古力醬，仲要貼心到毀屍滅跡，即係隔走啲渣，再將辣味朱古力醬搽落蛋糕度呀。

就連棉花糖醬都加咗料，加咗玫瑰鹽呀，聽落係咪好好味呢？係呀，好夠味㗎，話晒落咗半樽，真係畀足「樽鹽」你㗎！

呢個壽星有個咁好嘅朋友，為佢整咗個咁特別嘅蛋糕，一定食到感動流鼻涕啫～你係咪已經諗起你某啲好鍾意食抹茶嘢嘅朋友呢？快啲去為佢哋嘅生日準備呢個滿滿嘅大平台，表達你對佢哋嘅愛喇！Between，介紹返，其實Wasabi咁綠，應該會同抹茶蛋糕仲夾。

封面圖片及資料來源：dcard