無論你要唔要威都好，揸電單車嘅時候就梗係要戴頭盔啦，正所謂安全第一呀嘛！吖，毛毛以為淨係頭盔先至可以保護到駕駛者嘅頭部啦，點知原來就咁將一紮草綁喺頭殼頂都同樣有保護頭部嘅功能㗎喎（好似係）！唔信你哋睇下嘞：

咦喂，做咩呢位人兄個頭咁多雜草呀？唔係想扮奇異花吖嘛？

是咁的，話說最近有台灣網民就喺油站見到一位阿叔竟然當紮草係頭盔咁用，而且油站職員幫佢入油嘅時候，佢都面不改容，一副無懼世事變改嘅樣咁?。而有其他網民見到呢兩張相就表示，自己都曾經喺街見過呢位阿叔，仲話呢位阿叔其實喺高雄好出名！嗯，之唔係出晒名成日畀差人捉佢冇戴正規頭盔囉。

計毛毛話，識用一定用電飯煲嚟當頭盔咁用！大家睇下呢位用家示範～係咪隔住個mon都聞到陣陣米香呢？

between，雖然毛毛唔知點解呢位大叔要綁紮草喺頭度，但見佢畀警察抄咗咁多次牌都依然唔肯用頭盔，就知佢係一個堅持到底嘅人嚟啦！不過咁，正所謂「堅持堅持幾多錢一茶匙」，阿叔你都係安全啲好……

資料來源：帝皇皇／爆料公社、 Christine Wang／爆料公社 

回帶：【環保小先鋒】電飯煲當頭盔