小朋友真係好可愛㗎啫～係咪呀哈姆太郎？嗯，唔搞搞震嗰陣咪可愛囉，不過當你見到佢哋將你間屋反轉再反轉嗰陣，就唔方唔得意咯……而最近，有條日本化骨龍都搞到阿媽頭都大埋喎，而家就等毛毛同大家一齊睇下佢做咗啲咩曳豬嘢啦！

嘩嘩嘩，呢條化骨龍做咩搞到成身都係潤膚膏呀？唔通係見天氣乾燥就諗住搽定cream先？喂毛毛咁dry都未搽到好似你咁樣樣喎……老老77，你下下搽cream都用晒一罐咁多，係咪想阿媽破產先！

えらい大人しいと思ったらやらかした

史上最悪や、口紅事件より最悪や。 pic.twitter.com/K1rPq94r3J

— 安室☆早稀きゅん (@saki_kyun_) 2016年12月19日

唔怪得阿媽要話你曳豬啦！不過咁，聽到呢條化骨龍最尾講嗰句「個咩呢」真係心都融埋，想嬲你都嬲唔落呀～

btw，唔小心整到成身都係潤膚膏又有咩所謂啫，學一下另一位百厭BB咁去浸返個馬桶浴咪得囉！應該係，除非唔係。

資料來源：saki_kyun_／twitter、sayakaman／twitter

回帶：【媽咪崩潰系列】睇少個仔一眼 佢就坐咗喺個馬桶入面喇！