雖然而家就未算好凍，不過大家喺床下底摷返啲手套呀冷帽呀頸巾出嚟未呢，隨時又凍到得十幾度㗎嘛～手套呢家嘢，唔用嗰時就求其攝埋一邊，到要用喇，又實係搵唔返出嚟，出街見平平地咪買對新㗎囉，點知一買完，舊嗰對就會自動上水……

唉，手就得兩隻，手套就咁多對，扔咗去又好浪費，如果唔想做大嘥鬼，不如學下日本呢個手作達人咁，將舊手套改造成狗公仔啦！唔係講緊你女神身邊嗰班狗公仔呀，係又打耳又好玩，仲可以送畀朋友交換禮物嗰啲呀！

​

手作達人將手套嘅手指位剪晒落嚟一條條咁，再塞唔同份量嘅棉花入去，縫縫補補縫補補咁，狗公仔就出世喇！唔講仲以為係買返嚟㗎！

話明手作達人，再勁啲嘅都有呀，佢仲試過將舊手套改造成狗仔散紙包，真係好強大呀！啲狗公仔咁卡哇依，整多幾個送畀女神圍住佢，你仲唔係最出色嘅狗公仔？！

手袋の指、余った。
これをこうしてこうしてマッカチン pic.twitter.com/pDgp0Sfa9x

— レフトシンブル LeftThimble (@piyorizan) December 17, 2016

封面圖片、資料來源連結： piyorizan／twitter

《手作達人系列》
【最強手作】用把膠槍就可以整到咁靚嘅古董槍？！

會整小精靈圖鑑畀男友嘅女仔邊度搵呀！