良好嘅閱讀習慣梗係要從小培養啦，唔係點可以贏在起跑線呀？吳焗腸話每個月要睇30本書㗎，毛毛自幼睇東洋繪本，大個就睇東洋攝影集，先有今時今日嘅文學修養咋！不過估唔到而家啲兒童書咁特別，連網民都睇到個心離一離呀！

嗯，個封面好正常，仲有少少似小丸子個大胃王同學小杉?～

但下一幅圖就崩壞咗喇⋯⋯點解好地地一個小朋友會變咗挖掘機㗎！仲要面目咁猙獰好似隨時想食人咁呀！

雖然小朋友個樣係得人驚啲，但好彩佢都冇食人，只係掘地啫。排例得整整齊齊嘅「???????⋯⋯」擬聲詞、驚死你睇唔到嘅粗體字效果，再加埋部機個表情⋯⋯真係明明睇緊兒童圖書，但係有睇恐怖片嘅享受呀！媽咪，我唔使18歲都知道三級片係點㗎喇！

咁都未算呀，佢仲要搖身一變變咗架垃圾車喺度吞噬啲垃圾，雖然阿媽成日鬧我哋唔好食咁多垃圾食物，你都唔使去食垃圾示威咁激㗎，真係嚇死阿媽喇！做垃圾車都唔夠，仲要變埋做纜車畀啲人行落個肚入面呀！雖然呢本兒童書係重口味咗少少，但係星爺變馬桶都係咁啦～話唔定呢本書就係向《百變星君》致敬呢！

封面圖片及資料來源：dokurinngos2／twitter