咩叫女神？又靚又正仲會派軍糧就叫女神？錯喇，將真實嘅自己隱藏得好，淨係畀化晒妝零死角嗰面人睇嘅先叫女神呀……成日話靚女唔屙sss唔放屁，公平咩！其實靚女都係人，靚女都有靈魂，靚女都想做下宅女㗎！

就好似Elsa公主咁呀，成日都要著長裙、化濃妝，就算覺得幾好睇，都會唔自在啦！一返到屋企，冇班fan屎望住晒，終於可以鬆一鬆喇！

「Olaf，你明我想點㗎喇……？」

「Wow！換返套屋企衫真係舒服晒呀，唔使再扮晒淑女咁樣樣！Let’s hea！」

臨近聖誕長假，宅宅Elsa一早已經上網買定幾箱game慢慢打爆機㗎喇！嘩睇佢打到咁激動，真係同平時嘅公主樣完全係兩個人咁呀！喂，不過你打還打，除咗鞋先踩上床好喎，有冇睇高生同囡囡㗎你！

喺Elsa盡情打機嘅同時，一早就已經點咗Olaf為佢準備邊爐大餐，一路烚下烚下一路飲返杯，真係爽呀！不過你哋又唔好話Elsa獨食咁自私，佢都係驚Olaf會熱到溶先唔叫埋佢食啫……應該。

其實做宅女都可以好忙㗎，食飽飽之後，除咗上網同上網，仲要攤喺度上網，不知幾唔得閒！55！

Elsa公主咁靚女，兵仔都一定唔少，得閒咪叫返個上嚟一齊玩下火囉，唔好以為佢真係獨家村先得㗎。

有朋友到訪，又要換返套公主衫，朋友一走，Elsa同Olaf又開始要變返宅女宅男喇……「我一諗起自己扮淑女個樣真係想嘔呀，成個鐘頭冇打機，我唔得喇流晒鼻水喇，打返十舖八舖機頂頂癮先！」

ありのままの pic.twitter.com/nLxVghJqZP

— ほっぱー (@AXLLOWS) December 20, 2016

封面圖片、資料來源連結： AXLLOWS／twitter

延伸閱讀：【很想要吧】日本超強網民自製迷你火爐烤薄餅