聖誕節有棵聖誕樹係有氣氛啲嘅，不過香港個個都有土地問題，又點擺咁大棵樹呀。唯有葡萄下人哋外國人聖誕節有得托它歸家，仲可以放喺廳度閃閃下啦。但古乳有暈，樹大好遮蔭 ，放咁大棵樹會唔會惹埋好多「朋友仔」㗎？

澳洲呢位阿太棵樹就嚟咗個神秘嘉賓，神秘到佢唔望多兩眼都見唔到呀！條絲帶黃黃啡啡幾靚喎，阿太仲諗緊屋企棵聖誕樹幾時掛咗條識郁嘅絲帶呢？望真啲，＿你個街，蛇嚟嘅喂？嗱嗱臨Call 蛇王Barry哥求救啦！

雖然條虎蛇相當毒，但係又點會難到Barry哥吖，同速遞一樣使命必達，只係20分鐘就用佢強勁嘅臂彎制服咗條蛇喇～仲PO上FB同大家開心share?。大家睇完都有啲淆底，即刻返去睇下自己棵樹有冇多咗啲識郁嘅嘢呀！

其實又唔使咁驚～靚靚嘅聖誕樹唔一定係吸引蛇㗎，話唔定係吸引到同蛇一樣咁有線條美，身體又一樣咁柔軟嘅主子呢喵～

封面圖片及資料來源：每日郵報、t_u_n_a_m_e_l_t／twitter