咁多種水果嚟講，毛毛最鍾意就係食橙㗎喇。點解？有名你叫「幸家橙」，食得多一定全家都好幸福啫。雖然係好鍾意食，不過都唔係有得食就狗衝㗎，咩都咁隨便，點會有人畀面！

一張相就睇得出你係咩人喇！你第一眼係留意堆「腳皮」，定搣到乾乾淨淨冇晒衣嗰一嚿橙先！毛毛就覺得見到呢嚿橙，成個心都舒服晒喇，真係隔住個mon都覺得開胃呀～

不過對高要求嘅朋友嚟講，剝光豬都只係基本咋，要剝就剝得徹底啲，逐！粒！逐！粒！剝！嚟！食！台灣呢個女仔，用15分鐘就將個橙還原做284粒果肉喇，仲要整整齊齊咁排晒出嚟?！

望住啲一粒粒嘅橙肉，點解會有種咁熟悉嘅感覺嘅！？係喇，就係黐完黑頭貼欣賞返啲粉刺嘅滿足感喇！

如果冇咁好心機逐粒剝嚟食但又想玩下，試試整呢隻橙皮手錶都得嘅～不過記得玩完要食返晒，唔好做大嘥鬼呀～

封面圖片、資料來源連結：dcard

延伸閱讀： 【這就是專業】就算食魚仔 我都要起晒肉先食㗎！