喺強國入面，咩都有可能發生，而強國最強嘅購物網站淘寶，就更加係咩都可以買得到！舊年北京有嚴重霧霾，但唔係身處首都嘅一般人又點會享受到呢？唔怕喎，上淘寶咪可以買返樽返嚟慢慢歎囉～

啲樽裝霧霾寫明「加濃」、「帶顆粒」，等買家可以好好享受北京獨有嘅氣息。Btw，呢個時候終於明馬雲點解話假嘢比真嘢好喇……

而家強國大部分地區都有情深深霧霾霾嘅問題，用鼻一索就聞到啦，仲使乜特登上網買樽裝霧霾啫～不過淘寶賣家轉數咁快，又點會放棄呢個商機呢，佢哋全新推出雲南新鮮空氣，寫明有效緩解肺部壓力同埋抗疲勞㗎！

雲南空氣每包賣6蚊到65蚊人仔都有，一分錢一分貨呀，為健康著想，唔想肺變廢，梗係買最貴嗰款返嚟大吸特吸啦，嗯嗯！

連霧霾同雲南空氣都有得賣，唔知偉大嘅淘寶幾時有埋瑞士山區肺賣呢？唔講住喇，毛毛又要飛喇～

封面圖片、資料來源連結： 淘寶

同場加映：

【充滿創意的強國度】淘寶連北京霧霾都有賣

【插畫師改圖】假如《你的名字。》喺強國取景會變成點？