之前唔玩Pokemon GO就畀人話Out， 但而家仲玩緊，都一樣會畀人話Out呀！不過一個專業嘅精靈訓練員又點會咁易受到打擊呢？訓練員梗係要喺生活上時刻留意精靈嘅出現啦，因為捉精靈同見鬼一樣，要講緣分㗎～

好似日本呢個訓練員咁，捉精靈捉到口淡淡，咪摵個柑畀自己食下囉，點知，摵完一望，就發現野生嘅火伊貝喇！咁究竟呢隻柑皮做嘅火伊貝係火系呀定係草系呢？

呢個時候我哋就訪問下火伊貝未進化之前嘅伊貝仔啦～話唔定呢隻用樹葉砌嘅伊貝會知呢？55，根據佢可靠嘅情報表示，原來植物做嘅火系精靈唔止呢隻火伊貝，仲有佢哋呀！

就係呢隻小火龍同佢嘅進化版噴火龍喇～呢啲落葉砌嘅精靈其實係另一個網友嘅作品，不過最近冬天有返落葉又畀人retweet返喇～兩個訓練員嘅作品都咁打耳，真係很想去捕捉他呀！

封面圖片及資料來源：__kyouka__／twitter、Xxx2251/twitter