2016年12月23日 星期五
【係咪好意頭啲㗎？】用熱水壺煮湯圓記得唔好落咁滿呀…
上一代人成日話「冬大過年」，咁點解冬至又冇得放假先，公平咩……any肥啦，聽講做冬嗰日一定要食湯圓，仲要係雙數，咁先團團圓圓好意頭㗎～
做節都已經煮九大簋咁，又要洗煲又要洗鑊啦，食飽飯都係用熱水壺煮湯圓最實際！你睇，一嘢扔晒啲湯圓落去，加水滾兩滾，真係神仙都企唔穩呀～
嘩，啲湯圓開始熟喇，又圓又大粒，真係好期待呀！
點知，煮煮下，事情就向奇怪嘅方向發展喇……媽呀點解會變到咁大粒㗎，仲要煲到冇晒水，啲湯圓好似變咗烚蛋咁，真係出奇過出奇蛋呀！呢個教事故訓我哋，就算要貪方便用熱水壺煮湯圓，都記得唔好一次過落晒成包呀，唔係就真係「滿滿的祝福」㗎喇！
睇開啲啦，其實成煲都正常白色湯圓已經好好㗎喇，如果堆到密麻麻全部都係輪迴緊嘅Mini人s，咪仲驚嚇……
封面圖片、資料來源連結：topemail5566／PTT
《地獄湯圓大集合》
【邪惡料理】搓到啲湯圓咁嘅樣 叫人點擺落口啫！
