見到PPAP hit咗兩個幾月，都仲有人叫Siri唱，就知道呢首歌今年風頭幾勁啦～個主唱Piko太郎都係靠呢首歌爆紅，所以而家接Show接到冇停手呀！但係大叔你咁忙，做唔做得晒咁多Job呀？最近就有日本網民發現原來大叔搵咗個Part-time替身，唔怪得之幾忙都冇有怕啦～

喺呢部PPAP夾公仔機入面，你除咗可以夾到Apple Pen同Pineapple Pen~ 入面梗係仲有「鎮機之寶」Piko太郎Figure啦！咦？呢個Piko太郎好似怪怪地咁嘅？

嗰副招牌黑超、黃色西裝同埋獨特嘅鬍鬚同的水，啱呀，啲特徴齊晒喎。咪住先，先生你好熟口面下噃，你咪就係《海賊王》入面個海軍大將黃猿！

估唔到而家經濟咁差，連海軍大將都要出嚟秘撈喎。肯肯定係啲娘娘冇派軍糧，加上聖誕又要大出血氹女神開心啦！其實說穿了海軍咪又係「水兵」，做咗大將嘅辛酸又有邊個知吖。

不過你哋班人唔好以為識穿咗呢個假嘅Piko大叔就可以搞搞震呀，而家呢個場有呢個咁強嘅替補大叔睇住，你試下搖機出cheat吖，小心畀佢用光速一腳踢死你呀！

封面圖片及資料來源：nagi_sa_ten／twitter