雖然而家出面成廿幾度，冇咁凍，就自然少咁啲聖誕氣氛，對毒L嚟講，可能係好事嚟。不過毛毛都係要提一提你，聽日就係12月24號平安夜喇……街裡愛人一對對，唔想畀朋友問起有咩活動嘅時候口啞啞，就唯有返公司做嘢啦……

不過做餐飲嘅朋友都幾慘喎，唔似得毛毛對住部電腦就得，話明平安夜，啲情侶湧晒出嚟食大餐，真係睇見都眼冤呀！有日本餐廳嘅腦細為咗員工精神健康著想，決定平安夜唔做情侶生意呀！張告示仲寫明會送張「賢者之轉生卡」畀平安夜嚟幫襯嘅客人?～

嘩，大時大節係餐廳鋸到情侶一頸血嘅好日子嚟啵，拒絕情侶入座咪賺少好多？咁好嘅腦細邊度搵呀！其實今年已經係呢間餐廳連續第三年唔做情侶生意㗎喇，前兩年都有貼告示寫住「情侶對本店職員做成強烈精神打擊」，所以拒絕入座。

三年都堅持照顧員工嘅感受，待員工溫柔，吻過員工傷口，真係kind of sweet呀……咦咪住，咁係咪即係話班員工三年都仲係單身狗呀？

八王子のパスタ店、今年もイブはカップルお断り　「スタッフが悔しがるので」　 https://t.co/knzdhXFerQ 面白い pic.twitter.com/L3zj6J2Rvp

— ツイッター速報 (@tsuisoku) December 16, 2016

封面圖片、資料來源連結：tsuisoku／twitter、秋意超人／微博

回帶：【去死去死團出動】日本餐廳聖誕節唔做情侶生意