今日，毛毛要講一個關於好奇寶寶嘅故事，呢個故事話畀我哋知，原來好奇心太重都唔係一件好事嚟（好似係）。

話說，最近有位台灣網民就喺街度發現咗一隻蝸牛仔，百厭嘅佢忍唔住用腳輕輕咁踢下隻蝸牛仔（大中小朋友千祈唔好學），點知隻蝸牛仔竟然踢極都唔郁喎？咁呢位網民見隻蝸牛仔踢極都唔郁就覺得好奇怪啦，於是咪諗住用手指篤一篤佢，睇下隻蝸牛仔究竟發生咩事囉……

嘩！唔篤由自可，一篤就發現原來呢隻笨唔係蝸牛仔咁簡單，而係sss嚟嘅喂！大佬，好玩唔玩你玩sss？！

最後呢位網民中咗咁大個伏之後，就梗係瘋狂洗返七七四十九次手啦。雖然手指上嘅污迹用水沖幾沖就洗得甩，之但係，陰影呢家嘢係點沖都沖唔走㗎！嗯，毛毛除咗恭喜之外都唔知講咩好……我真係恭喜你呀！你終於知道sss嘅觸感係點喇！

資料來源：顧里／爆廢公社