唔少人去日本都係為咗浸溫泉，而講到浸溫泉，又點少得天然溫泉樂園「大江戶溫泉物語」呢！呢個溫泉樂園有成十幾種浴池，浸到厭又可以著住浴衣行下附近充滿江戶時代味道嘅街道，真係玩足一日都仲得。而最近，上海都出現咗一間無論個名定外型都同「大江戶溫泉物語」似到十足十嘅溫泉樂園喎！一齊睇下～

日本「大江戶溫泉物語」

上海「大江戶溫泉物語」

喂，個名一模一樣都算啦，連啲裝修都咁似嘅喂？

唔止咁，入面除咗有熊本熊部長嘅專賣店之外，仲有幾隻熊本熊部長坐陣?！

而上海「大江戶溫泉物語」個官方微博都寫到明「日本大江户溫泉物語將於12月中旬落户上海」，唔通呢間真係日本「大江戶溫泉物語」喺強國開嘅分店嚟？

嗯，可惜日本官方前日就已經出咗個聲明，話呢間上海「大江戶溫泉物語」同佢哋一啲關係都冇……

老老竇竇，毛毛個人嚟講係幾贊成強國開多幾間山寨「大江戶溫泉物語」嘅，最好就開到個個省個個市都有?……點解？咁毛毛下次去日本個堅「大江戶溫泉物語」嘅時候咪唔使咁逼囉！55！

資料來源：「大江戸温泉物語」官網、上海「大江戶溫泉物語」官方微博、破破莉兒／微博